बॉलिवूडमधील प्रसिद्ध अभिनेता टायगर श्रॉफ (Tiger Shroff) त्याच्या डान्सनं आणि फिटनेसनं नेहमी प्रेक्षकांची मनं जिंकतो.

लवकरच त्याचा 'हीरोपंती-2' (Heropanti 2) हा चित्रपट प्रेक्षकांच्या भेटीस येणार आहे

टायगरनं एका मुलाखतीमध्ये हॉलिवूडमध्ये करिअर करण्याची इच्छा व्यक्त केली होती.

टायगरनं मुलाखतीमध्ये सांगितलं, 'हॉलिवूडमध्ये सध्या कोणताही तरूण अॅक्शन हिरो नाहिये.'

मी ज्या प्रकारच्या गोष्टी करतो तशा प्रकारचं अॅक्शन करणारा हिरो सध्या हॉलिवूडमध्ये नाहिये असे हिरो तुम्ही 90 च्या दशकात पाहिले असतील, असंही टायगर म्हणाला.

टायगर पुढे म्हणाला, 'मला दोन तीन वेळा हॉलिवूडमधून ऑफर आल्या. मी अनेकवेळा ऑडिशन देखील दिले. एक-दोन वेळा त्या ऑडिशनमध्ये फेल देखील झालो. पण मी प्रयत्न करत आहे. '

2014 मध्ये प्रदर्शित झालेल्या हिरोपंती या चित्रपटामधून त्यानं बॉलिवूडमध्ये पदार्पण केलं.

टायगरच्या फिटनेसनं अनेकांचे लक्ष वेधलं पण काहींनी त्याच्या लूकला ट्रोल केलं.

अनेकांनी त्याला गर्ल लूक आणि पिंक लिप्स लूक असं म्हणत ट्रोल केले होते.

लवकरच टायगरचे हिरोपंती-2, गणपत आणि बडे मिया छोटो मिया हे चित्रपट प्रेक्षकांच्या भेटीस येणार आहेत.

टायगरचे चाहते त्याच्या चित्रपटांची उत्सुकतेने वाट पाहात असतात.