जर तुम्हालाही लांब, सुंदर आणि दाट केस हवे असतील तर, काही प्रकारची फळे तुमच्यासाठी उपयुक्त ठरू शकतात.

आंबट गोड स्ट्रॉबेरीची चव सगळ्यांनाच खूप आवडते. यामध्ये अनेक पोषक तत्वे देखील असतात ज्याचा शरीराला फायदाच नाही तर केसांना मजबूत बनवण्यासाठी उपयोग होतो.

स्ट्रॉबेरीचा हेअर मास्क बनविण्यासाठी 4 ते 5 स्ट्रॉबेरी मिक्स करा. त्यात एक चमचा दही मिक्स करा आणि केसांना लावा.

किवीमध्ये व्हिटॅमिन सी भरपूर प्रमाणात असते. याशिवाय त्यात बीटा-कॅरोटीन हे अँटीऑक्सिडंट असते.

तुम्ही किवी हेअर मास्क लावू शकता. यासाठी दोन चमचे किवी पल्प घ्या. त्यात एक चमचा खोबरेल तेल घालून चांगले मिक्स करा आणि हेअर मास्क टाळूपासून केसांच्या टोकापर्यंत लावा.

सफरचंदात असलेले अँटीऑक्सिडंट केसांसाठी खूप फायदेशीर असतात. हे केस गळण्यापासून थांबवतात आणि केसांच्या कूपांना मजबूत करतात.

सफरचंदाच्या मास्कसाठी तुम्ही सफरचंद सोलून त्याचे छोटे तुकडे करा. त्यात एक अंड घाला. त्यात एक चमचा ऑलिव्ह ऑईल घालून चांगले मिक्स करा.

पपईमध्ये देखील असे अनेक पोषक तत्व असतात जे केस मजबूत करण्यास मदत करतात.

पपईचा हेअर मास्क बनवण्यासाठी दोन चमचे पपईचा पल्प काढा. त्यात एक चमचा मध मिक्स करा आणि घट्ट पेस्ट तयार करा.

केळ्यापासून बनवलेला हेअर मास्कही तुमचे केस मजबूत आणि घट्ट करू शकतात. केळ्यामध्ये व्हिटॅमिन बी, व्हिटॅमिन सी, पोटॅशियम, अँटीऑक्सिडंट्स असतात.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.