बॉलिवूडमधील प्रसिद्ध अभिनेत्री स्वरा भास्करनं 16 फेब्रुवारीला सोशल मीडियावर पोस्ट शेअर करुन फहाद अहमदसोबत लग्न केल्याची माहिती सोशल मीडियावर चाहत्यांना दिली होती.

आता लवकरच स्वरा आणि फहाद हे आई-बाबा होणार आहेत.

नुकतीच स्वरानं खास पोस्ट शेअर करुन ही गुडन्यूज चाहत्यांना दिली आहे.

स्वरानं सोशल मीडियावर फहाद अहमदसोबतचे काही फोटो शेअर केले आहेत.

फोटोमध्ये स्वरा ही ती बेबी बंप फ्लॉन्ट करताना दिसत आहे.

फोटोला स्वरानं कॅप्शन दिलं, 'कधीकधी तुमच्या सर्व प्रार्थनांची उत्तरं तुम्हाला मिळतात! धन्य, कृतज्ञ आणि उत्साही भावनांनी आम्ही नवीन जगात पाऊल ठेवले आहे.'

स्वरा आणि फहादच्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.

स्वरा तिच्या अभिनयानं नेहमीच प्रेक्षकांची मनं जिंकते.

विरे दी वेडींग, गुजारिश, तन्नू वेड्स मनू, रांझणा, तनू वेड्स मनू रिटर्न्स, प्रेम रतन धन पायो, नील बट्टे सन्नाटा या चित्रपटांमधून स्वराच्या अभिनयाला प्रेक्षकांची विशेष पसंती मिळाली.