अभिनेत्री सुष्मिता सेनच्या (Sushmita Sen) 'ताली' (Taali) या वेब सीरिजचा ट्रेलर प्रेक्षकांच्या भेटीस आला आहे.

ट्रेलरमध्ये सुष्मिता ही गौरी या भूमिकेत दिसत आहे.

'मैं गौरी, ये कहानी मेरे जैसे कई लोगों की है. क्योंकि ये गौरी भी कभी गणेश था.' हा डायलॉग ताली या वेब सीरिजच्या सुरुवातीला ऐकू येतो.

ट्रेलरमध्ये दिसते की, एका शाळेतील मुलाला प्रश्न विचारण्यात येतो की, 'तुला मोठेपणी काय व्हायचं आहे? या प्रश्नाचं उत्तर तो मुलगा, 'मला आई व्हायचं आहे' असं देतो.

वर्गातील शिक्षिका त्या मुलाला सांगते की, 'पुरुष कधी आई होऊ शकत नाही'.

ताली वेब सीरिजच्या ट्रेलरमध्ये सुष्मिता सेनचा डायलॉग ऐकू येतो, 'जिस देश में कुत्तों तक का सेंसेस होता है पर ट्रांसजेंडर्स का नहीं! ऐसे लोगों के बीच जीना, दॅट इस स्केरी..'

सुष्मिता सेननं ताली या वेब सीरिजचा ट्रेलर सोशल मीडियावर शेअर केला आहे. या ट्रेलरला तिनं कॅप्शन दिलं, 'गौरी आली. आपल्या स्वाभिमान, आदर आणि स्वातंत्र्याची कथा घेऊन. ताली - बजाएंगे नही, बजवाएंगे!'

सुष्मिता सेनची ताली ही वेब सीरिज 15 ऑगस्ट रोजी रिलीज होणार आहे.

काही दिवसांपूर्वी ताली या सीरिजचा टीझर देखील प्रेक्षकांच्या भेटीस आला होता.

सुष्मिताच्या या सीरिजची प्रेक्षक उत्सुकतेने वाट बघत आहेत.