दाक्षिणात्य चित्रपटसृष्टीतील अभिनेता विजय राघवेंद्रची पत्नी स्पंदना राघवेंद्रचे हृदयविकाराच्या झटक्याने निधन झाले.

रिपोर्टनुसार, विजय राघवेंद्र आणि स्पंदना हे जोडपे थायलंडमध्ये असताना स्पंदनाला हृदयविकाराचा झटका आला. लो ब्लड प्रेशरमुळे स्पंदनाला हृदयविकाराचा झटका आला, असं म्हटलं जात आहे.

विजय राघवेंद्र आणि स्पंदना यांनी 26 ऑगस्ट 2007 रोजी लग्नगाठ बांधली. विजय राघवेंद्र आणि स्पंदना यांच्या लग्नाच्या 16 व्या वाढदिवसाच्या 19 दिवस आधीच स्पंदनाने जगाचा निरोप घेतला आहे.

विजय राघवेंद्र आणि स्पंदना यांना शौर्य नावाचा मुलगा आहे.

स्पंदना ही सहाय्यक पोलिस आयुक्त बी.के. शिवराम यांची मुलगी होती.

स्पंदनाच्या निधनानं राघवेंद्र कुटुंबावर शोककळा पसरली आहे.

विजय राघवेंद्र हा कन्नड चित्रपटसृष्टीतील प्रसिद्ध अभिनेता आहे. डान्स कर्नाटक डान्स या कार्यक्रमाचे त्यानं परीक्षण केले आहे.

2016 मध्ये प्रदर्शित झालेल्या अपूर्व या चित्रपटात विजय राघवेंद्रची पत्नी स्पंदनाने भूमिका साकारली होती.

अनेक नेटकऱ्यांनी सोशल मीडियाच्या माध्यमातून स्पंदनाला श्रद्धांजली वाहिली आहे. सय्यद नसीर हुसेन यांनी देखील ट्वीट शेअर करुन स्पंदनाला श्रद्धांजली वाहिली.

स्पंदनाचे पार्थिव उद्या (8 ऑगस्ट) बंगळुरूला आणण्यात येणार असल्याचं म्हटलं जात आहे.