अभिनेता संकर्षण कऱ्हाडे हा त्याच्या अभिनयानं प्रेक्षकांची मनं जिंकत असतो.

संकर्षण कऱ्हाडे हा नाटक, मालिका आणि चित्रपटांच्या माध्यमातून प्रेक्षकांचे मनोरंजन करतो.

संकर्षण हा गेल्या काही दिवांपासून “नियम व अटी लागू…” या नाटकामधून प्रेक्षकांच्या भेटीस येत आहे.

संकर्षण हा सध्या त्याच्या नाटकामुळे किंवा शोमुळे नाही तर त्यानं शेअर केलेल्या एका सोशल मीडियावरील पोस्टमुळे चर्चेत आहे. त्याच्या या पोस्टनं अनेकांचे लक्ष वेधले आहे.

संकर्षणनं इन्स्टाग्रामवर त्याचा एक सेल्फी शेअर केला आहे. या सेल्फीमध्ये त्याच्या हाताला दुखापत झालेली दिसत आहे.

फोटोला संकर्षणनं कॅप्शन दिलं, परवा रात्री माझ्यावर 4 (चार) गुंडांनी हल्ला केला. मी त्यांच्याशी 2 (दोन) हात केले. त्यात माझा 1 (एक) हात जखमी झालाय. ह्याची तुम्हाला 0 (शुन्य) कल्पना होती म्हणुन हा फोटो पोस्ट करतोय.'

संकर्षणनं शेअर केलेल्या या फोटोला अनेक नेटकऱ्यांनी कमेंट्स केल्या आहेत.

संकर्षणच्या पोस्टला एका नेटकऱ्यानं कमेंट केली, '3 (तीन) वेळा सांगून ही ऐकत नाहीस... काळजी घे रे बाबा'

संकर्षण हा लवकरच एका कुकिंग शोच्या माध्यमातून प्रेक्षकांच्या भेटीस येणार आहे.

संकर्षण हा 'महाराष्ट्राची किचन क्वीन' या कार्यक्रमाचं सूत्रसंचालन करणार आहे.