नॅशनल क्रश अभिनेत्री रश्मिका मंदाना आणि प्रसिद्ध अभिनेता विजय देवरकोंडा यांच्या अफेअरची चर्चा! नॅशनल क्रश म्हणून ओळखली जाणारी अभिनेत्री रश्मिका मंदाना सोशल मीडियावर नेहमी चर्चेत असते. नुकताच तिचा 'पुष्पा- द राइज' हा चित्रपट प्रदर्शित झाला. हा चित्रपट सध्या बॉक्स ऑफिसवर धुमाकूळ घालत आहे. सोशल मीडियावर अशी चर्चा सुरू आहे की रश्मिका प्रसिद्ध अभिनेता विजय देवरकोंडाला डेट करत आहे. रिपोर्टनुसार, न्यू ईयर सेलिब्रेशन करण्यासाठी रश्मिका आणि विजय हे गोव्याला गेले होते. यावेळी गोव्यामधील एका स्विमिंग पूलच्या जवळचा फोटो रश्मिकाने सोशल मीडियावर शेअर केला. या फोटोने नेटकऱ्यांचे लक्ष वेधले. विजयचा भाऊ आनंद देवरकोंडा याने देखील त्याच स्विमिंग पूल जवळचा फोटो शेअर केला. यावरून असा अंदाज लावला जाऊ शकतो की, न्यू ईयर सेलिब्रेशनसाठी रश्मिका ही विजयच्या कुटुंबासोबत गोव्याला गेली होते. त्यामुळे आता या दोघांच्या अफेअरबद्दल सोशल मीडियावर चर्चा होत आहे. 'गीता गोविंदम' आणि 'डियर कॉमरेड' या चित्रपटांमधील विजय आणि रश्मिकाच्या केमिस्ट्रीला प्रेक्षकांची पसंती मिळाली होती.