'बिग बॉस'च्या घरातील अभिनेता प्रसाद जवादेचा प्रवास संपला आहे. प्रसाद जवादेचा मोठा चाहतावर्ग आहे. प्रसादने अनेक मालिकांमध्ये आणि सिनेमांत काम केलं आहे. बिग बॉसच्या घरात अगदी पहिल्या दिवसापासून प्रसादने लक्ष वेधून घेतलं होतं. आपल्या वागण्याने आणि खेळाच्या अनोख्या पद्धतीने प्रसादने प्रेक्षकांच्या हृदयात स्थान मिळवलं आहे. घराबाहेर पडल्यानंतर प्रसादने एक खास पोस्ट शेअर करत चाहत्यांचे आभार मानले आहेत. प्रसाद घराबाहेर पडल्याने आता राखी सावंत, अमृता धोंगडे, किरण माने, अक्षय केळकर, आरोह वेलणकर या स्पर्धकांमध्ये चढाओढ पाहायला मिळणार आहे. येत्या रविवारी म्हणजेच 8 जानेवारी 2023 रोजी बिग बॉस मराठीच्या चौथ्या पर्वाचा महाअंतिम सोहळा रंगणार आहे. प्रसाद घराबाहेर पडल्याने त्याचे चाहते बिग बॉस मराठीला बॉयकॉट करण्याची मागणी करत आहेत. प्रसादच्या पोस्टवर आता बिग बॉस पाहण्यात काही अर्थ नाही अशा कमेंट चाहत्यांनी केल्या आहेत. प्रसाद लवकरच एका नवीन कलाकृतीच्या माध्यमातून प्रेक्षकांच्या भेटीला येणार आहे.