मराठी-साऊथ चित्रपटांची अभिनेत्री पल्लवी सुभाष आज तिचा वाढदिवस साजरा करत आहे. ती 39 वर्षांची झाली आहे. पल्लवी सुभाषने तिच्या करिअरची सुरुवात छोट्या पडद्यापासून केली होती. यानंतर या अभिनेत्रीने मराठी चित्रपटसृष्टीत आपले नाव गाजवले. पल्लवी सुभाषला वकील बनायचे होते. तिला कायद्याची पदवीही घ्यायची होती, पण त्याआधीच तिने एका नाटकात काम केले आणि वकील बनण्याचे स्वप्न बाजूला ठेवले. पल्लवी सुभाषने अनेक साऊथ चित्रपटांमध्ये काम केले. दक्षिणेतील सर्व भाषांमध्ये काम केलेल्या अभिनेत्रींच्या यादीत तिचे नाव येते. पल्लवी सुभाषने ग्लॅमरच्या दुनियेत टीव्ही मालिकेने सुरुवात केली होती. तिने एका मराठी मालिकेत काम केले होते. यावेळी एकता कपूरने अभिनेत्रीच्या कामाची दखल घेतली आणि तिच्या ‘करम अपना अपना’ या मालिकेत मुख्य भूमिका दिली. याशिवाय ती ‘कसम से’, ‘बसेरा’, ‘गोदभराई’ आणि ‘महाभारत’ यांसारख्या मालिकांमध्ये दिसली. टीव्ही शो करताना, अभिनेत्रीने मराठी चित्रपटांमध्ये हात आजमावला आणि अनेक हिट चित्रपट दिले. मराठी चित्रपटसृष्टीत नाव कमावल्यानंतर पल्लवी सुभाषने तेलुगू आणि कन्नडसह अनेक दाक्षिणात्य चित्रपटांमध्ये काम केले. यानंतर अभिनेत्रीने श्रीलंकन भाषेतील चित्रपटांमध्येही काम केले.