पुणे शहरातील फर्ग्युसन कॉलेज रोडवर वसलेलं कॅफे गुडलक हे केवळ एक खाद्यपदार्थांचं ठिकाण नाही, तर अनेक पिढ्यांच्या आठवणी, मैत्री आणि गप्पांचा एक भावनिक कोपरा आहे.

एका बाजूला कॉलेज रोडवरील धावपळ, दुसऱ्या बाजूला इतिहासाने भारलेला कॅफे… हीच आहे गुडलकची खरी ओळख.

1935 पासून अस्तित्वात असलेला हा कॅफे पुणेकरांच्या हृदयात घर करून आहे.

पण अलीकडेच या ऐतिहासिक कॅफेबाबत एक वाद उद्भवला असून, सोशल मीडियावर याची जोरदार चर्चा रंगली आहे.

कॅफे गुडलकची स्थापना 1935 साली झाली.

हा कॅफे इराणी पारशी कॅफे कल्चरचा भाग आहे, जो ब्रिटिश काळात मोठ्या प्रमाणावर मुंबई आणि पुण्यात दिसत असे.

जुने लाकडी फर्निचर, सॉबर डेकोर आणि शांत वातावरण यामुळे आजही इथे एक वेगळीच अनुभूती मिळते.

बटर चिकन, मटन बिर्याणी, इराणी चहा, बन मस्का, आणि हॉट फज ही इथली हिट डिशेस.

अगदी लहानांपासून ते ज्येष्ठांपर्यंत पुण्यातील या प्रसिद्ध कॅफेमध्ये इराणी चहा आणि बन मस्का खाण्यासाठी नागरिकांची अक्षरशः रीघ लागलेली असते.

अनेक कॉलेज विद्यार्थी, लेखक, कलाकार यांचं हे हक्काचं ठिकाण