पुण्यातील वडगाव शेरी परिसरात भीषण आगीची घटना घडली आहे. वडगाव शेरी, मतेनगर, हिरामण हॉस्पिटल जवळ सुपर मार्केटला भीषण आग लागली. अग्निशमन दलाची 8 वाहने दाखल झाली आहेत. आग विझवण्याचे शर्थीचे प्रयत्न सुरू आहेत. पुण्यातील वडगाव शेरी भागातील मतेनगर येथील एका सुपर मार्केटला आग लागल्याची घटना घडली आहे. पुणे व पीएमआरडीए अग्निशमन दलाकडून एकूण ८ अग्निशमन वाहने दाखल झाली आहेत, जवान आग विझवण्यासाठी शर्थीचे प्रयत्न सुरु आहेत. मिळालेल्या माहितीनुसार, मतेनगर येथे एका सुपर मार्केटला आग लागली. एकूण पाच दुकानांना आग लागली असून पत्र्याची दुकाने आहेत. शॉर्ट सर्किटमुळे ही आग लागल्याची प्राथमिक माहिती समोर आली आहे. सुदैवाने आगीत कोणतीही जीवितहानी झाली नसल्याचे जवानांनी सांगितले आहे.