अभिनेता अभिषेक बच्चन सध्या त्याच्या आगामी दसवी या चित्रपटामुळे चर्चेत आहे. बुधवारी या चित्रपटाचा ट्रेलर रिलीज झाला आणि त्यानंतर बिग बी अमिताभ यांचे एक ट्विट चर्चेत आले आहे.

या ट्विटमध्ये अमिताभ यांनी अभिषेकच्या कामाचे कौतुक केले आहे. सोबतच वडील हरिवंशराय बच्चन यांच्या एका कवितेचा दाखल देत एक मोठी घोषणा देखील केली आहे.

अमिताभ यांनी ट्विटर आणि ब्लॉगमध्ये 'दसवी' या चित्रपटाच्या ट्रेलरवर प्रतिक्रिया देत त्यांना त्यांचा मुलगा अभिषेकचा किती अभिमान वाटतो हे सांगितले आहे

अमिताभ बच्चन यांनी त्यांचे वडील हरिवंशराय बच्चन यांच्या एका कवितेचा दाखला देत लिहिले, 'माझ्या लाडक्या मुला, तू माझा मुलगा आहेस म्हणून तू माझा उत्तराधिकारी होऊ शकत नाहीस...

पण जो माझा उत्तराधिकारी असेल तो माझा मुलगा नक्की असेल – हरिवंशराय बच्चन', अशी पोस्ट अमिताभ यांनी शेअर केली आहे.

यासोबत त्यांनी 'अभिषेक तू माझा उत्तराधिकारी आहेस, मी बोललो म्हणजे बोललो,' असे म्हटले आहे.