मीरा-भाईंदर मध्ये मनसेच्या मराठी मोर्चाला पोलिसांनी परवानगी नाकारली असून परिसरात मनसे कार्यकर्ते दिसताच पोलीस ॲक्शन मोडवर आले आहेत .

मनसेच्या अनेक कार्यकर्त्यांना ताब्यात घेण्यात आले असून कुठल्याही कार्यकर्त्याला रस्त्यावर थांबू दिले जात नाहीये .

मनसेच्या अनेक कार्यकर्ते व पदाधिकाऱ्यांची धरपकड सुरू आहे .

आक्रमक पवित्रात असणारे मनसैनिक रस्त्यावर दिसताच पोलीस सगळ्यांना बसमध्ये कोंबत असल्याचं दिसत आहे.

अनेक मनसे कार्यकर्त्यांना नजर कैदेत ठेवण्यात आला आहे .

मिरा-भाईंदर मध्ये नागरिकांनी मोर्चासाठी एकत्र येऊ नये अन्यथा कारवाई केली जाईल असा इशारा देण्यात आलाय .

बालाजी हॉटेलपासून या मोर्चाला सुरुवात होणार होती . या भागात मोठ्या प्रमाणावर पोलीस बंदोबस्त तैनात करण्यात आला असून कार्यकर्त्यांची मोठ्या प्रमाणावर धरपकड सुरू आहे.

मीरा भाईंदरमध्ये आम्ही सर्व ठिकाणी पुरेसा बंदोबस्त नेमला आहे. महत्त्वाचे चौक, रेल्वे स्थानकं आणि जंक्शनच्या परिसरात बंदोबस्त नेमण्यात आला आहे.

काल आम्ही शहरात रुट मार्च काढला होता. कायदा सुव्यवस्था राखण्यासाठी मीरा भाईंदर पोलीस आयुक्तालयातील पोलीस अधिकारी आणि अंमलदार दक्ष आहेत.

मनसे कार्यकर्त्यांना गाड्यांमध्ये भरले जात असून पोलिस ठाण्यात नेण्यात येत आहे.अपप्रेरणा देणाऱ्या व्यक्तींवर कारवाई केली जाईल, असे अतिरिक्त आयुक्त दत्ता शिंदे यांनी सांगितले.