शशिकांत शिंदे हे जावळी तालुक्यातील हुमगावचे रहिवासी असून माथाडी कामगारांचे प्रभावी नेते म्हणून ओळखले जातात.

त्यांचा जन्म 19 ऑक्टोबर 1963 रोजी झाला. ते वाणिज्य शाखेचे पदवीधर आहेत.

लहान वयातच ते समाजकारण आणि राजकारणात सक्रिय झाले. त्यांच्या वडिलांचे नाव जयवंतराव आणि आईचे कौसल्या शिंदे

1999 मध्ये त्यांनी जावळी मतदारसंघातून पहिली विधानसभा निवडणूक लढवली आणि विजय मिळवला.

शशिकांत शिंदे यांनी जलसंपदामंत्री म्हणून महाराष्ट्राच्या कृष्णा खोरे पाटबंधारे महामंडळात काम पाहिले आहे.

2009 ते 2014 दरम्यान कोरेगाव मतदारसंघातून आमदार राहिले आणि शालिनीताई पाटील यांचा पराभव केला.

ते दोनदा जावळी आणि दोनदा कोरेगाव मतदारसंघाचे आमदार राहिले आहेत.

2019 मध्ये महेश शिंदे यांनी त्यांचा पराभव केला.

शिंदेंनी सातारा लोकसभा मतदारसंघातून 2019 साली छत्रपती उदयनराजे भोसले यांच्याविरुद्ध निवडणूक लढवली, पण अपयश आले.

2024 च्या विधानसभा निवडणुकीतही त्यांचा पराभव महेश शिंदे यांनी केला.

सध्या ते विधान परिषदेचे आमदार आणि राष्ट्रवादी काँग्रेस (शरद पवार गट) चे मुख्य प्रतोद आहेत.

लवकरच त्यांची पक्षाच्या प्रदेशाध्यक्षपदी नियुक्ती होण्याची शक्यता आहे.