दही हे प्रोबायोटिक अन्न आहे, त्यामुळे दह्याचे सेवन केल्याने शरीराला आवश्यक प्रथिने मिळतात.

त्याच बरोबर दही नीट खाल्ले नाही तर त्याचे फायदे शरीराला मिळत नाहीत.

दह्यासोबत अनेकदा साखर किंवा मीठ सेवन केले जाते.

दह्यात साखर घालून खाल्ल्यास दह्याचा आंबटपणा कमी होतो, अशा स्थितीत दही खाणे सोपे जाते.

ज्या लोकांना झटपट एनर्जी लागते ते दही साखर मिसळून खाऊ शकतात. पण दह्यामध्ये साखर घातल्याने कॅलरीजचे प्रमाण वाढते.

रोज साखर मिसळून दही खाल्ल्यास वजन वाढण्याचा धोका वाढू शकतो.

दह्यात मीठ घातल्याने त्याची चव वाढते.

जे लोक जास्त तीव्रतेचे वर्कआउट करतात त्यांच्या घामाने इलेक्ट्रोलाइट्स कमी होतात, म्हणून त्यांनी मीठ मिसळून दही खावे.

पण जास्त प्रमाणात मीठ मिसळून दही खाल्ल्याने बीपी आणि हृदयाशी संबंधित आजारांचा धोका वाढू शकतो.

निरोगी राहायचे असेल तर दही साधे खावे. मीठ आणि साखर मिसळून दही खाल्ल्याने चव बदलते पण ते आपल्या आरोग्यासाठी तितकेसे चांगले नसते.