चिंचपोकळीच्या चिंतामणीची पहिली झलक, आगमन सोहळ्याला प्रचंड गर्दी

गणेशोत्सव अगदी जवळ आलाय आणि मुंबईत बाप्पाच्या आगमनाची जोरदार तयारी सुरू झाली आहे.

शनिवारी परळ वर्कशॉपमधून चिंचपोकळीचा चिंतामणी मूर्तीचं आगमन झालं.

सुरुवातीच्या काळात ही मूर्ती लहान होती , सुमारे 2 ते 3 फुटांची होती आणि बायकुळा ते शिवडी परिसरात ओळखली जायची.

दरवर्षी ही मूर्ती चिंचपोकळी फ्लायओव्हरखाली विराजमान होते आणि हजारो भक्त दर्शनासाठी येतात.

यंदा चिंचपोकळी सार्वजनिक उत्सव मंडळाचं 106वं वर्ष आहे. हे मंडळ 1920 साली सुरू झालं.

या मंडळाला ‘आगमनाधीश बाप्पा’ म्हणून विशेष मान मिळालेला आहे.

यंदा 22 फुट उंच मूर्तीचं दर्शन घेण्यासाठी मुंबईच्या रस्त्यांवर हजारोंच्या संख्येने भक्तांची गर्दी झाली आहे.