माऊलींच्या पालखीचे दिवेघाटातील नयनरम्य दृश्य!

संत ज्ञानेश्वर महाराजांच्या पालखीने दिवे घाट पार केला आहे.

विठू नामाचा जयघोष आणि टाळ्या मृदंगाच्या गजराने दिवे घाट दुमदुमून गेला.

सुंदर छायाचित्र कॅमेऱ्यात टिपले आहेत स्वप्नील बर्गे यांनी!

पावसाळ्याला सुरुवात होताच विठुरायांच्या भक्तांना ओढ लागते ती पंढरीच्या पांडुरंग भेटीची.

दिवे घाट पार करून वारकऱ्यांची पावले पंढरीकडे

संत ज्ञानेश्वर महाराजांच्या पालखीसोबत आज हजारो वारकऱ्यांची पाऊले दिवे घाटात चालताना पाहायला मिळाली.

निसर्ग सौंदर्याने नटलेला, हिरवळीने सुंदर सजलेला दिवे घाट टाळ मृदुंगाच्या गजराने दुमदुमला होता.

संत तुकाराम महाराजांची पालखी देहुतून तर ज्ञानेश्वर महाराजांची पालखी आळंदीतून पंढरीच्या दिशेने निघाल्या असून इतरही मानाच्या पालख्या रवाना झाल्या आहेत.

प्रत्येक जिल्ह्यात या पालख्यांचे मोठ्या जल्लोषात स्वागत होत आहे.