पीएनजी कनेक्शन कसं मिळवायचं? जाणून घ्या संपूर्ण प्रक्रिया

अनेक देशांमधील सुरू असलेल्या तणावाचा परिणाम गॅस पुरवठ्यावर झाला असून, त्याचे परिणाम भारतातही जाणवू लागले आहेत.

पण ज्या घरांमध्ये पीएनजी कनेक्शन आहे, तिथे लोकांना फारशी अडचण आली नाही.

बऱ्याच लोकांना पीएनजी कनेक्शन म्हणजे काय, ते घरी कसे घ्यायचे? हे माहित नाही, चला तर जाणून घेऊयात...

या गॅससाठी सिलिंडरप्रमाणे घरपोच मागवण्याची गरज नसून, तो थेट पाइपलाइनद्वारे तुमच्या स्वयंपाकघरात पोहोचतो.

जर तुमच्या परिसरात पीएनजीची (PNG) पाइपलाइन आधीच टाकलेली असेल, तर तुम्ही सहजपणे यासाठी अर्ज करू शकता.

त्यासाठी तुम्हाला IGL च्या अधिकृत वेबसाइटवर ऑनलाइन अर्ज करावा लागेल, त्यानंतर कंपनी पुढील प्रक्रिया सुरू होते.

अर्ज प्रक्रिया अतिशय सोपी असून, त्यासाठी कनेक्शन फॉर्म भरावा लागतो. या फॉर्ममध्ये नाव, पत्ता, मोबाईल क्रमांक, आवश्यक कागदपत्रांची माहिती आणि ईमेल आयडी यांसारखी तपशीलवार माहिती द्यावी लागते.

कंपनी तुम्हाला पेमेंट लिंक पाठवते, पेमेंट केल्यानंतर तुमच्या घरी कनेक्शन लावण्याची प्रक्रिया सुरू होते.

जोडणीसाठी सुरुवातीला शुल्क भरावे लागते, साधारणपणे 6000 रुपये इन्स्टॉलेशन शुल्क आणि 1000 रुपये सुरक्षा ठेव (सिक्युरिटी डिपॉजिट) असते.