पहलगाम हल्यानंतर भारत आणि पाकिस्तानचे संबध अधिक ताणले गेलेले असताना दोन्ही देशांमध्ये युद्दजन्य परिस्थिती निर्माण झाली आहे.

पहलगाम येथे झालेल्या दहशतवादी हल्ल्यानंतर भारतातील महत्त्वाच्या संकेतस्थळांवर 10 लाखांहून अधिक सायबर हल्ले झाले आहे.

या घटनेनंतर आता पाकिस्तानातील महत्त्वाच्या संकेतस्थळांवर सायबर प्रतिहल्ले झाल्याची माहिती उघड झाली आहे.

'सायबर कमांडर' या नावाखाली हे प्रतिहल्ले केल्याचा दावा करण्यात आला आहे.

यात कराची, खैबर पख्तूनख्वा, मुलतान, पेशावर, फैसलाबाद, अबोटाबाद येथील विद्यापीठे आहेत.

वैद्यकीय डेटाबेस, ‘दस्तक’ या वाहन परवाना पोर्टल, फेडरल बोर्ड ऑफ रेव्हेन्यू आणि विविध सरकारी ईमेल सर्व्हर यांचा समावेश होता.

भारतावर प्रामुख्याने हल्ले पाकिस्तान, मध्य पूर्वेतील देश, मोरोक्को आणि इंडोनेशिया या देशांतून होत आहेत.

या हल्ल्यांमध्ये सहभागी असलेल्या अनेक हॅकर्स गटांनी स्वतःला विशेष नाव दिले आहे.

त्यातील ‘टीम इन्सेन पीके’ हा पाकिस्तान स्थित गट सर्वाधिक सक्रिय आहे.

सायबर कमांडरकडून या हल्ल्याला प्रतिउत्तर देत, या हॅकर्स गटाकडून पाकिस्तानातील 1500 संकेतस्थळ हॅक करण्यात आल्याचा दावा करण्यात येत आहे.

या संकेतस्थळांवर 'हिंदुस्तान जिंदाबाद'चे संदेश अपलोड करण्यात आल्याची माहिती सूत्रांनी दिली आहे.