कोरोना काळानंतर मुलांचं शिक्षण ऑनलाईन पद्धतीने सुरू होत.

या शिक्षणाचा मुलांना फायदा झाला असला तरी त्याचे दुष्परिणाम देखील आता दिसू लागले आहेत.

मोबाईलमध्ये गुंतून राहण्याची सवय जडल्याने यामुळे अनेक मुलांना दृष्टीदोष निर्माण झाल्याचं नेत्र तज्ञांच्या निदर्शास आले आहे.

कोरोना काळात शाळकरी मुलांचे शैक्षणिक नुकसान टाळण्यासाठी शासनाने ऑनलाईन पद्धतीचे शिक्षण सुरु केले होते.

यामध्ये चांगलं यश देखील मिळालं तसेच या निर्णयामुळे मुलांच्या अभ्यासात खंड पडला नाही.

ही सकारात्मक बाजू जरी असली तरी ऑनलाईन शिक्षण पद्धतीचे काही दुष्परिणाम देखील दिसू लागले आहेत.

ऑनलाईन शिक्षण पद्धतीत मुले सातत्याने मोबाईलमध्ये व्यस्त राहत असल्याने त्यांच्या डोळ्यांवर परिणाम झाला आहे.

तसेच यामुळे मुलांच्या दृष्टीदोषात वाढ झाल्याचे दिसून येत आहे.

तज्ज्ञांच्या मते, अनेक मुलांना जवळचे तर काहींना दूरचे दिसण्यास अडचण येत आहे.

तर काहींच्या डोळ्यांतून पाणी येणे, जळजळ होणे अशा प्रकारच्या विकारात वाढ झाली असल्याचं दिसून येत आहे.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.