भाद्रपद हरतालिका तृतीया हा प्रमुख सणांपैकी एक आहे. पण काही कारणाने भक्ताला उपवास पूर्ण करता आला नाही किंवा चुकून उपवास तुटला तर काय करावे?

हरतालिका, वटपौर्णिमा हे सर्व उपवास विवाहित स्त्रिया त्यांच्या पतीच्या दीर्घायुष्यासाठी आणि सुखी वैवाहिक जीवनासाठी करतात. परंतु या सर्व व्रतांमध्ये हरतालिकेचे व्रत कठीण मानले जाते.

भाद्रपद महिन्यातील शुक्ल पक्षातील तृतीया तिथी 17 सप्टेंबर 2023 रोजी सकाळी 11:08 पासून सुरू होईल आणि 18 सप्टेंबर रोजी सकाळी 12:39 पर्यंत चालेल.

अशा स्थितीत उदय तिथी लक्षात घेऊन 18 सप्टेंबर रोजी हरतालिका व्रत करता येईल.

प्रदोष काळात पूजेचा पहिला मुहूर्त संध्याकाळी 06:23 ते 06:47 पर्यंत असेल. यासोबतच तुम्ही सकाळी 6 ते रात्री 8.24 पर्यंत पूजा करू शकता.

हरतालिकेच्या पूजेसाठी हा काळ योग्य आहे. परंतु प्रदोष काळात शिव-पार्वतीची पूजा करणे श्रेष्ठ मानले जाते.

जर तुम्ही चुकून हरतालिकेचा उपवास मोडला, तर सर्वप्रथम तुम्ही त्याबद्दल देवाची माफी मागावी. भक्तांकडून जाणूनबुजून किंवा नकळत झालेल्या चुका देव नक्कीच क्षमा करतो.

हरतालिकेचे व्रत कठीण असते. अशा परिस्थितीत जर स्त्री व्रत ठेवू शकत नसेल किंवा तिचा उपवास मोडला असेल तर पत्नीच्या जागी पती देखील उपवास ठेवू शकतो.

व्रताचे दोष दूर करण्यासाठी देवी-देवतांच्या मूर्ती बनवून पंचामृताने स्नान करावे. यानंतर अक्षता, फुले, सुगंध इत्यादी लावून मूर्तीला सजवावे. त्यानंतर विधीप्रमाणे पूजा करावी.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.