गेल्या काही दिवसांपासून सोन्याच्या दरात सातत्याने होत चाललेल्या घसरणीला आज काहीसा ब्रेक लागला आहे.

जागतिक बाजारात डॉलरच्या संख्येत वाढ झाली आहे. त्यामुळे सोन्या-चांदीच्या दरातही वाढ झाली आहे.

आज बुलियन्सच्या वेबसाईटनुसार, 24 कॅरेट सोन्याचा दर 56 हजार 170 रुपयांवर आहे. तर, 22 कॅरेट सोन्याचा दर 51 हजार 489 रुपयांवर आहे.

एक किलो चांदीचा दरही 65 हजार 720 रुपयांवर पोहोचला आहे. कालच्या तुलनेत आज 500 रुपयांची वाढ झाली आहे.

सोन्याच्या वाढलेल्या दरामुळे ग्राहकांना सोनं खरेदीसाठी मुरड घालावी लागतेय.

सोन्याचे हे वाढलेले दर मुंबई, पुणे, नाशिक, नागपूर आणि राजधानी दिल्लीसह इतर ठिकाणीही कमी-जास्त प्रमाणात व्यवहार करतात.

BIS CARE APP द्वारे तुम्ही कोणत्याही हॉलमार्क केलेल्या दागिन्यांची शुद्धता सहज तपासू शकता. यासाठी तुम्ही दागिन्यांचा HUID क्रमांक 'Verify HUID' द्वारे तपासू शकता.

इंडियन बुलियन अॅंड ज्वेलर्स असोसिएशनच्या मते, तुम्ही 8955664433 या क्रमांकावर मिस कॉल देऊन किंमत तपासू शकता.

तुम्ही आर्थिक गुंतवणुकीचा पर्याय म्हणून देखील सोन्याच्या नाण्यांत गुंतवणूक करु शकता.