बॉलिवूडमधील प्रसिद्ध अभिनेता शाहरुख खान हा गेल्या काही महिन्यांपासून बॉक्स ऑफिसवर राज्य करतोय. त्याच्या पठाण आणि जवान या चित्रपटांनी बॉक्स ऑफिसवर धुमाकूळ घातला.

2 नोव्हेंबर रोजी शाहरुखचा 58 वा वाढदिवस आहे.

वाढदिवसाला चाहत्यांना एक खास गिफ्ट मिळणार आहे. शाहरुखच्या वाढदिवशी चाहत्यांना कोणतं गिफ्ट मिळणार आहे? याबाबत जाणून घेऊयात...

शाहरुख खानचा 2 नोव्हेंबर रोजी वाढदिवस आहे. त्याच्या वाढदिवसाला डंकी या आगामी चित्रपटाचा टीझर लाँच होणार आहे.

डंकी चित्रपटाचे दिग्दर्शक राजकुमार हिरानी हे देखील किंग खानच्या चाहत्यांना एक खास भेट देणार आहेत.

सेन्सॉर बोर्डाने डंकी चित्रपटाच्या टीझरला यू सर्टिफिकेट दिले आहे. या चित्रपटाचे दोन टीझर प्रेक्षकांच्या भेटीस येणार आहेत.

शाहरुखचा डंकी हा चित्रपट 22 डिसेंबर 2023 रोजी प्रेक्षकांच्या भेटीला येणार आहे.

शाहरुखच्या वाढदिवसाला आणखी एक गिफ्ट चाहत्यांना मिळणार आहे. शाहरुखचा जवान हा चित्रपट ओटीटीवर रिलीज होणार आहे.

शाहरुखचा जवान हा चित्रपट 2 नोव्हेंबर रोजी नेटफ्लिक्स या ओटीटी प्लॅटफॉर्मवर रिलीज होत आहे.

शाहरुखच्या आगामी चित्रपटाची प्रेक्षक उत्सुकतेने वाट बघत आहेत.