'साथ निभाना साथिया' फेम देवोलीना भट्टाचार्य लग्नबंधनात अडकली आहे. देवोलीनाने शाहनवाज शेखसोबत लग्नगाठ बांधली आहे. दोन वर्षे एकमेकांना डेट केल्यानंतर देवोलीना भट्टाचार्य आणि शाहनवाज शेख लग्नबंधनात अडकले आहेत. देवोलीनाचे नववधूच्या लूकमधील फोटो सध्या सोशल मीडियावर धुमाकूळ घालत आहेत. देवोलीनाने शेअर केलेल्या फोटोत देलोलीना नववधूच्या वेशात सजलेली दिसत आहे. देवोलीनाने लाल रंगाचे कपडे परिधान केले आहेत. तर, शाहनवाजने काळ्या रंगाचा सूट परिधान केला आहे. देवोलीनाचा पती शाहनवाज शेख हा जिम ट्रेनर आहे. गेल्या अनेक दिवसांपासून देवोलीनाच्या लग्नाची चर्चा रंगली होती. देवोलीना सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असते. देवोलीनाने शेअर केलेल्या फोटोवर चाहते शुभेच्छांचा वर्षाव करत आहेत.