गेल्या अनेक महिन्यांपासून सोन्याच्या भावात वाढ होत असल्याने ग्राहकांच्या खिशाला मोठी झळ बसली होती.

मात्र गेल्या तीन दिवसांपासून सोने व चांदीच्या भावात घसरण होत आहे.

त्यामुळे ग्राहकांना कुठेतरी दिलासा मिळाला आहे.

गेल्या तीन दिवसात सोन्याच्या भावात 4 हजाराने (10 ग्राम)तर चांदीच्या भावात 11 हजार (1 किलो) रुपयांची घसरण झाली आहे.

त्यामुळे सराफ बाजारामध्ये सोने व चांदी खरेदी करण्यासाठी ग्राहकांनी मोठी गर्दी होईल असा अंदाज वर्तवण्यात आला आहे.

आंतरराष्ट्रीय बाजारात सुरु असलेल्या घडामोडींमुळे पुढील काही दिवसांमध्ये सोन्याचा दर प्रतितोळा 55 हजारापर्यंत खाली येऊ शकतो असा अंदाज तज्ज्ञांकडून वर्तवला जात आहे.

त्यानुसार गेल्या काही दिवसांमध्ये सोने आणि चांदीचे भाव सातत्याने खाली येत आहेत.

सोन्याचा प्रतितोळा दर काही महिन्यांपूर्वी 96 हजारांवर पोहोचला होता.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.