सोने-चांदी पुन्हा तेजात! वाढीमागचं रहस्य काय?

मागील दोन दिवसांपासून सोन्याच्या दरात घसरण झाली होती. मात्र 13 ऑगस्ट रोजी सोन्याच्या किमतींमध्ये हलकी वाढ झाली.

बुलियन मार्केट आणि एमसीएक्स दोन्ही ठिकाणी सोन्याचा दर वाढला आहे. कालप्रमाणेच चांदीची चमकही कायम आहे.

24 कॅरेट सोन्याचा दर आज 10 ग्रॅमला ₹1,00,440 झाला. 22 कॅरेट सोन्याचा दर 10 ग्रॅमला ₹92,070 आहे.

24 तासांपूर्वी 24 कॅरेट सोन्याचा भाव ₹1,00,170 होता, आता तो वाढून ₹1,00,440 वर पोहोचला आहे.

चांदीचा दरही वाढून किलोमागे ₹1,15,260 झाला आहे, 24 तासांपूर्वी हा भाव ₹1,13,600 होता.

सोमवारी चांदीचा भाव 1000 रुपयांनी घसरून ₹1,14,000 झाला होता, शुक्रवारी तो ₹1,15,000 प्रति किलोवर स्थिरावला.

गेल्या पाच दिवसांत चांदीच्या दरात 5500 रुपयांनी वाढ झाली, आता पुन्हा किंमतींमध्ये वाढ दिसून येते.

सलग पाच दिवसांच्या वाढीनंतर सोन्याचा दर 900 रुपयांनी घसरला होता, आता पुन्हा वाढ होत आहे.

भूराजकीय तणाव आणि गुंतवणूकदारांच्या विक्रीमुळे दरात घसरण झाली होती. आता परिस्थितीत बदल होत आहे.

अमेरिका-रशिया भेटीमुळे भूराजकीय तणाव कमी झाला आहे. सोन्याच्या बारवरील 39% शुल्काबाबत व्हाईट हाऊसच्या स्पष्टीकरणाचा परिणाम किमतींवर झाला.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)