येत्या 7 सप्टेंबरपासून गणेशोत्सवाला सुरुवात होणार आहे.

त्यामुळे अनेकांच्या घरी सजावटीची लगबग पाहायला मिळत आहे.

आपल्याकडे सर्वच देवतांना विशिष्ट फुलं वाहण्याची प्रथा आहे .

जसे विठोबाला तुळस, शंकराला बेल, गणपतीला दूर्वा आणि जास्वंदाची फुले ...

गणांचा अधिपती म्हणजेच गणपती.

हिंदू धर्मशास्त्रानुसार सर्वच कार्याच्या सुरुवातीला गणपतीची पूजा केली जाते.

गणपतीच्या पूजेत लाल वस्त्र, जास्वंदीसारखे लाल फूल, रक्तचंदन यांसारख्या लाल वस्तू वापरणे महत्त्वाचे मानले जाते.

याचे कारण म्हणजे गणपतीचा वर्ण शेंदरी / लाल आहे.

गणपती बाप्पाला जास्वंदीच फूल आणि दूर्वा का वाहतात ?

असा प्रश्न अनेकदा विचारला जातो.

ही फुले अर्पण केल्याने गणपती लवकर प्रसन्न होतात ,

आणि त्यांच्या भक्तांचे सर्व त्रास दूर करतात.

पूजेत वापरलेल्या वस्तूंच्या लाल रंगामुळे गणेशाचे तत्त्व मूर्तीकडे जास्त प्रमाणात आकृष्ट होते.

जास्वंदाची लाल आणि पिवळी फुले गणेशाला खूप प्रिय आहेत.

दूर्वांमध्ये श्री गणेशाचे तत्त्व जास्तीत जास्त प्रमाणात आकृष्ट करून घेण्याची क्षमता असते.

दुर्वांना ३, ५, ७ अशा विषम संख्येच्या पात्या असाव्या.

प्रत्येक देवतेच्या काही संख्या आहेत जसे १२ रवि, ११ रुद्र म्हणजेच शंकर त्याप्रमाणे गणेशाची संख्या २१ आहे .

म्हणून गणेशाला २१ मोदकांचा नैवेद्य, २१ दुर्वांची जुडी किंवा २१ पत्री वाहिल्या जातात.

आपल्या लाडक्या गणरायाच्या आगमनासाठी अवघे काही दिवस शिल्लक आहेत.

महणून लगबग पाहायला मिळत आहे.

टीप :

वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.