छत्रपती शिवाजी महाराजांचा पुतळा कोसळल्याप्रकरणी मविआने आंदोलनाची हाक दिली. मुंबईत झालेल्या आंदोलनात एका चिमुकल्याने साऱ्यांचं लक्ष वेधलं. शिवद्रोह्यांना आता माफी नाही... अशा आशयाच्या पोस्टरसह चिमुकला सायकलवारी करत रागात निघाला. चिमुकल्याच्या या सायकल रॅलीकडे पाहून सगळ्यांनाच नवल वाटलं. महाराजांचा पुतळा कोसळल्याने या चिमुकल्याला जणू राग आलाय असे त्याचे हावभाव आहेत. या गोंडस चिमुकल्याला पाहून अनेकांनी लाडाने त्याचे गाल खेचले. हुतात्मा चौक ते गेटवे ऑफ इंडियापर्यंत मविआचं आंदोलन निघालं होतं. सिंधुदुर्गातील राजकोट किल्ल्यावर उभारलेला छत्रपती शिवाजी महाराजांचा पुतळा 26 ऑगस्टला कोसळला. याविरोधात पुकारलेल्या आंदोलनात हा चिमुकला उतरला होता. आंदोलनाच्या पार्श्वभूमीवर गेटवे ऑफ इंडिया पर्यटकांसाठी बंद करण्यात आला होता.