बॉलिवूड अभिनेत्री आलिया भट्ट गेल्या अनेक दिवसांपासून चर्चेत आहे. आलियाचा 'हार्ट ऑफ स्टोन' हा हॉलिवूड सिनेमा लवकरच प्रेक्षकांच्या भेटीला येणार आहे. नुकतेच आलियाने या सिनेमाचे शूटिंग लंडनमध्ये पूर्ण केलं आहे. सोशल मीडियाच्या माध्यमातून आलियाने चाहत्यांना यासंदर्भात माहिती दिली आहे. आलियाने 'हार्ट ऑफ स्टोन' या सिनेमाच्या शूटिंगदरम्यानचे काही फोटो सोशल मीडियावर शेअर केले आहेत. आलियाचा 'हार्ट ऑफ स्टोन' हा हॉलिवूड सिनेमा नेटफ्लिक्स या ओटीटी प्लॅटफॉर्मवर रिलीज होणार आहे. 'हार्ट ऑफ स्टोन' हा सिनेमा प्रेक्षकांच्या पसंतीस उतरला तर या सिनेमाचा सीक्वेल प्रेक्षकांच्या भेटीला येऊ शकतो. आलिया आणि रणबीर कपूरचा 'ब्रम्हास्त्र' सिनेमा लवकरच प्रेक्षकांच्या भेटीला येणार आहे. रणवीर सिंहसोबतचा 'रॉकी और रानी की प्रेम कहानी' हा सिनेमादेखील लवकरच प्रेक्षकांच्या भेटीला येणार आहे. आलियाच्या 'डार्लिंग्स' सिनेमाची प्रेक्षक प्रतीक्षा करत आहेत.