स्कूल बसचे स्टेअरिंग रॉड तुटून नियंत्रण गेल्याने झालेल्या अपघातात 25 ते 30 विद्यार्थी जखमी झाल्याची घटना जळगावात घडली.

पहूर-शेंदुर्णी रस्त्यावर आज सकाळी हा अपघात झाला. या घटनेत बस पलटी होऊन विद्यार्थी जखमी झाले.

सुदैवाने या अपघातात कोणत्याही प्रकारची जीवितहानी झाली नसल्याने मोठा अनर्थ टळला आहे.

आज सकाळी शेंदुर्णी इथल्या सरस्वती विद्या मंदिर या शाळेची बस पहूरहून विद्यार्थ्यांना घेऊन येत होती.

परंतु बस पाचोरा-शेंदुर्णी रस्त्यावर आल्यावर स्टेअरिंग रॉड तुटला.

चालकाचं नियंत्रण सुटल्याने बस रस्त्याच्या बाजूला असलेल्या खोल भागात पडली आणि झाडाला धडकली.

बसमध्ये सुमारे 40 विद्यार्थी आणि काही शिक्षक होते. यातील अंदाजे 30 विद्यार्थी आणि दोन शिक्षक जखमी झाले.

पहूर ते शेंदुर्णी दरम्यान घोडेश्वर बाबाजवळ हा अपघात झाला.

जखमी शिक्षक आणि विद्यार्थ्यांना उपचारांसाठी खासगी वाहनांमधून रुग्णालयात दाखल करण्यात आले.