तवांग : हेलिकॉप्टर दुर्घटनेत शहीद जवानांचे मृतदेह प्लॅस्टिकमध्ये, टीकेनंतर वायुदलानं चूक सुधारली

अरुणाचल प्रदेशच्या तवांग इथं झालेल्या हेलिकॉप्टर दुर्घटनेतील शहीदांच्या मृतदेहासोबत विटंबना झाल्याचा आरोप केला जात आहे. शहीदांचे मृतदेह तिरंग्याच्या जागी प्लॅस्टिकच्या पिशवीत आणि कागदी बॉक्समध्ये ठेवण्यात आल्याचे फोटो समोर आले. आणि त्यानंतर वादाला सुरूवात झाली. सोशल मीडियावर या घटनेवरून तीव्र संताप व्यक्त केला जात आहे. त्यानंतर वायूदलानं आपली चूक मान्य केली. सन्मानानं शहिदांचे पार्थिव कुटुंबियांकडे सुपूर्द केले. शुक्रवारी तवांगमध्ये हेलिकॉप्टर कोसळून 7 जवान शहीद झाले होते.