मुंबई : राज्यात पुढच्या 24 तासात वादळी वाऱ्यासह पावसाचा इशारा

मुंबई : महाराष्ट्रात पुढच्या 24 तासात वादळी वाऱ्यासह पूर्व मोसमी पाऊस पाडणार आहे. मराठवाडा, उत्तर, मध्य आणि पश्चिम महाराष्ट्रात वादळी वाऱ्यासह पावसाचा इशारा भारतीय हवामान विभाग म्हणजेच आयएमडीने दिला आहे.

मराठवाड्यातील लातूर, उस्मानाबाद आणि नांदेड या जिल्ह्यांमध्ये पुढील 24 तासात वादळी वाऱ्यासह पावसाची शक्यता वर्तवण्यात आली आहे.

उत्तर, मध्य महाराष्ट्रात अहमदनगर आणि पुणे या जिल्ह्यांमध्ये वादळी वाऱ्यासह पावसाचा इशारा देण्यात आला आहे. दरम्यान, पुण्यात कालही काही भागांमध्ये पावसाने हजेरी लावली होती.

दुसरीकडे सातारा, सांगली, कोल्हापूर आणि सोलापूर या जिल्ह्यातल्या काही भागांमध्ये वादळी वाऱ्यासह पावसाचा इशारा देण्यात आला आहे.