वसई : पावसाचा जोर कमी, जनजीवन हळूहळू पूर्वपदावर

वसई-विरार आणि नालासोपाऱ्यात पाऊस थांबलेला असला तरी इथलं जनजीवन हळू हळू पूर्वपदावर येतंय... कारण, अऩेक भागात अजूनही पाणी साचून आहे. त्यामुळे ३० तास इथला वीजपुरवठाही खंडीत करण्यात आला होता, मात्र अखेर संध्याकाळी ५ वाजता वीजपुरवठा पूर्ववत झालाय. दरम्यान ३० तास लाईट नसल्यानं लोकांनी मोबाईल चार्जिंगसाठी स्टेशनचा आधार घेतला. त्यामुळे स्टेशन परिसरात मोबाईल चार्च करण्यासाठी गर्दी जमलीय. बाजारपेठा, रिक्षा, टॅक्सी सर्व काही बंद आहे.
त्यामुळे खासकरुन बॅचलर तरुण-तरुणींची खाण्या-पिण्याची मोठी गैरसोय होतेय. लाईट नसल्यानं मोबाईल बंद आहेत. त्यामुळे अनेकांचा संपर्कही होऊ शकत नाहीय. सोसायट्यांमधल्या मोटर बंद पडल्यानं इतका पाऊस पडूनही अऩेकांना तळमजल्यावरुन पाणी भरावं लागलंय.