वाराणसी : आंदोलक विद्यार्थिनींवर लाठीमार केल्याप्रकरणी 2 पोलिस अधिकारी निलंबित

बनारस हिंदू विद्यापीठात रात्री विद्यार्थीनींवर लाठीमार केल्याप्रकरणी दोन पोलिस अधिकाऱ्यांचं निलंबन करण्यात आलं आहे. बनारसमध्ये तीन दिवसांपूर्वी विद्यापीठात एका विद्यार्थिनीसोबत छेडछाड झाली. याच्या निषेधार्थ विद्यार्थिनींनी हे आंदोलन छेडलं. काल कुलगुरुंना भेटण्यासाठी त्यांच्या निवासस्थानी या विद्यार्थिनी  पोहोचल्या, परंतु विद्यापीठाच्या मेन गेटबाहेर आंदोलनकर्त्या विद्यार्थिनींवरही पोलिसांनी लाठीचार्ज करण्यात आला. या लाठीहल्ल्यात अनेक विद्यार्थिनी जखमी झाल्या असून त्यातील एक जण गंभीर असल्याची माहिती मिळते आहे. त्यामुळे संतप्त विद्यार्थ्यांकडून विद्यापीठाच्या कॅम्पसमध्ये दगडफेक झाली, गाड्यांची जाळपोळ करण्यात आली. या घटनेच्या निषेधार्थ काँग्रेसनं देखील आंदोलन केलं होतं.