ठाणे : शहापूरमध्ये मुंबई-नाशिक हायवेवर ट्रक पेटला

मुंबई-नाशिक महामार्गावर आटगाव जवळ एक धावता ट्रक आगीत जळून खाक झाला. शेणाच्या गोवाऱ्या घेऊन हा ट्रक नाशिकच्या दिशेने निघाला होता. त्यावेळी या ट्रकने अचानक पेट घेतला. यावेळी चालकाने पेटलेला ट्रक रस्त्याच्या कडेला उभा करुन पळ काढला. ट्रकमध्ये सुकलेल्या शेणाच्या गोवऱ्या असल्याने या आगीने भीषण रूप धारण केलं. दरम्यान काही गावकऱ्यांनी लगतच्या गावात जावून पाण्याचे टँकर आणून आग विझवली. मात्र तोपर्यत संपूर्ण ट्रक जळून खाक झाला होता. इंजनच्या वायरिंगमध्ये शॉर्टसर्किट झाल्याने आग लागल्याचा अंदाज व्यक्त करण्यात येत आहे.