Hafiz Saeed arrested | दहशतवादाविरोधात भारताला मोठं यश, हाफिज सईदला पाकिस्तानात बेड्या | ABP Majha

दहशतवादाविरोधात भारताचा दबावाला मोठं यश आलं आहे. मुंबईतील 26/11 दहशतवादी हल्ल्याचा सूत्रधार आणि जमात उद दावा या दहशतवादी संघटनेचा म्होरक्या हाफिज सईदला पाकिस्तानमध्ये बेड्या ठोकण्यात आल्या. हाफिज सईदची रवानगी सध्या न्यायालयीन कोठडीत करण्यात आली आहे. लाहोरहून गुजरनवाला इथे जाताना हाफिज सईदला अटक करण्यात आली. पाकिस्तानात दहशतवादाविरोधात काम करणारी सरकारी संस्था काऊंटर टेरोरिझम डिपार्टमेंट अर्थात सीटीडीने हाफिज सईदला लाहोरमध्ये बेड्या ठोकल्या.