नवी मुंबई : खासगी वाहतूकदारांच्या संपात सहभाग न घेतल्याने 12 वाहनांची तोडफोड

नवी मुंबईतल्या तळोजात अवजड वाहनांच्या देशव्यापी बंदला हिंसक वळण लागलं.  काल रात्री संपात सहभागी न झाल्यामुळे 12 वाहनांची तोडफोड करण्यात आली.  तळोजा औद्योगिक वसाहतीमधली 12 वाहनांच्या काचा फोडण्यात आल्या.  यात ट्रक, ट्रेलरचा समावेश होता.  तळोजा पोलीस ठाण्यात याबाबत गुन्हा दाखल करण्यात आला आहे.  या प्रकरणी ४ जणांना तळोजा पोलीसांनी अटक केली आहे. पेट्रोल दरवाढीच्या विरोधात देशभर अवजड वाहन चालकांच्या संघटनांनी हा संप पुकारला आहे.