SSC Result 2019 | दहावी बोर्डाचा निकाल उद्या जाहीर होणार | ABP Majha

महाराष्ट्र राज्य माध्यमिक शालांत परीक्षा अर्थात एसएससी बोर्डाचा दहावीचा निकाल उद्या, शनिवार 8 जून रोजी जाहीर होणार आहे. दुपारी एक वाजता विद्यार्थ्यांना निकाल ऑनलाईन पाहता येणार आहे. मुंबई, पुणे, नागपूर, औरंगाबाद, कोल्हापूर, अमरावती, नाशिक, लातूर आणि कोकण या नऊ विभागीय मंडळांतर्फे दहावी परीक्षा घेण्यात आली होती. विद्यार्थ्यांचा निकाल बोर्डाच्या संकेतस्थळावर दुपारी एक वाजता प्रसिद्ध होईल. त्यानंतर विद्यार्थ्यांना आपण संपादित केलेल्या गुणांच्या माहितीची प्रिंटआऊट काढता येईल. गुणपडताळणी आणि छायांकित प्रतीसाठी अर्ज करण्याची सुविधा दुसऱ्या दिवसापासून उपलब्ध होणार आहे.