श्रीनगरमध्ये बीएसएफ कॅम्पवर दहशतवादी हल्ला, एक जवान शहीद, तीन दहशतवाद्यांचा खात्मा

श्रीनगरमधल्या बीएसएफ कॅम्पवर झालेल्या दहशतवादी हल्ल्यात बीएसएफचा एक अधिकारी शहीद झाला आहे, तर 2 जवान जखमी झाले आहेत. अनेक तास सुरु असणाऱ्या गोळीबारानंतर तिन्ही दहशतवाद्यांचा खात्मा करण्यात आला. मात्र, कॅम्प भागात अजूनही काही दहशतवादी लपून बसले आहेत का, याची पाहणी केली जात आहे. आज पहाटे कॅम्पमध्ये शिरुन दहशतवाद्यांनी अंदाधुंद गोळीबार केला. एका इमारतीचा आसरा घेऊन केलेल्या भ्याड हल्ल्याला भारतीय जवानांनी चोख प्रत्युत्तर दिलं. श्रीनगर विमानतळापासून हा बीएसएफ कॅम्प अगदी जवळ आहे. त्यामुळे काही काळ विमानतळ बंद ठेवण्यात आलं होतं.