Ruturaj Gaikwad : ऋतुराजचे एका षटकात 7 षटकार, नाबाद 220 धावांची खेळी : ABP Majha

महाराष्ट्राचा कप्तान ऋतुराज गायकवाडने अनोख्या विश्वविक्रमाला गवसणी घातली. विजय हजारे चषकाच्या उप-उपांत्य फेरीत त्याने उत्तरप्रदेशचा फिरकी गोलंदाज शिवा सिंगला एका षटकात सात षटकार ठोकले. या षटकात एक नोबॉलसह ४३ धावा मिळाल्या. एकदिवसीय सामन्यात एका षटकात ७ षटकार ठोकणारा ऋतुराज जगातला पहिला क्रिकेटपटू ठरला आहे. ऋतुराजने १५९ चेंडूत १० चौकार आणि १६ षटकारांच्या सहाय्याने नाबाद २२० धावांची खेळी केली.