All India Football Federation अध्यक्षपदी Kalyan Choube, पहिल्यांदाच माजी फुटबॉलपटू अध्यक्ष

अखिल भारतीय फुटबॉल महासंघाच्या ८५ वर्षांच्या इतिहासात पहिल्यांदाच एका माजी फुटबॉलपटूची अध्यक्षपदी निवड झाली आहे. अखिल भारतीय फुटबॉल महासंघाच्या अध्यक्षपदाच्या निवडणुकीत कल्याण चौबे यांनी भारताचा माजी कर्णधार बायचुंग भुतिया यांचा ३३-१ असा पराभव केला. कल्याण चौबे यांनी स्वत: भारतीय संघासह मोहन बागान आणि ईस्ट बंगाल या बड्या संघांचं प्रतिनिधित्व केलं आहे. पण अध्यक्षपदाच्या निवडणुकीत कल्याण चौबे यांचं पश्चिम बंगालमध्ये भाजप नेता असणं निर्णायक ठरलं आहे. अखिल भारतीय फुटबॉल महासंघाला संलग्न राज्यांच्या प्रतिनिधींकडून भुतियांच्या नावाला फारसं समर्थन मिळालं नव्हतं. आणि त्याचंच प्रतिबिंब निवडणुकीच्या निकालात दिसून आलं.