KKR Beat RCB : एलिमनेटरमध्ये कोलकत्याची बंगलोरवर मात ABP Majha

विराट कोहलीच्या रॉयल चॅलेंजर्स बंगलोरचं आव्हान आयपीएलच्या प्ले ऑफमध्येच संपुष्टात आलं. त्यामुळं कर्णधार या नात्यानं अखेरच्या आयपीएलमध्येही विराट कोहलीला विजेतेपदाचा मान मिळवण्यात अपयश आलं. दरम्यान, प्ले ऑफच्या एलिमिनेटर सामन्यात कोलकाता नाईट रायडर्सनं बंगलोरवर चार विकेट्सनी मात केली. या सामन्यात कोलकात्याच्या प्रभावी आक्रमणासमोर बंगलोरला सात बाद १३८ धावांचीच मजल मारता आली होती. कोलकात्यानं विजयासाठी १३९ धावांचं आव्हान सहा विकेट्सच्या मोबदल्यात पार केलं. अनुभवी फिरकी गोलंदाज सुनील नारायण कोलकात्याच्या विजयाचा प्रमुख शिल्पकार ठरला. त्यानं अवघ्या २१ धावांत विराट कोहली, एबी डिव्हिलियर्स आणि ग्लेन मॅक्सवेलसह चार फलंदाजांना माघारी धाडलं. आता बुधवारी क्वालिफायर टूच्या सामन्यात कोलकात्याचा मुकाबला दिल्लीशी होईल.