शिर्डी : साईंच्या जन्मस्थळ वादावर संस्थान अध्यक्ष, ग्रामस्थ राष्ट्रपतींच्या भेटीला

शिर्डीच्या साईबाबांच्या जन्मस्थळाच्या वादाप्रकरणी आता शिर्डी संस्थानचे अध्यक्ष आणि ग्रामस्थ राष्ट्रपतींची भेट घेणार आहेत. काही दिवसांपूर्वी राष्ट्रपती रामनाथ कोविंद हे साईबाबांच्या समाधी शताब्दी उत्सवाच्या उद्घाटनाला आले होते. त्यावेळी त्यांनी साईबाबांचं जन्मस्थळ पाथरी गाव असल्याचा उल्लेख केला होता. यावरुन ग्रामस्थ प्रचंड नाराज झाले होते. साईंच्या चरित्रात साईबाबांचा जन्म, जात, धर्म याबाबत उल्लेख नसल्याचं ग्रामस्थांचं मत आहे.