सिंधुदुर्ग : सावंतवाडीमध्ये रोहित शर्माचे प्रशिक्षक दिनेश लाड यांचं क्रिकेटबद्दल खास मार्गदर्शन

सिंधुदुर्ग जिल्ह्यातल्या युवा खेळाडूंना क्रिकेटचं मार्गदर्शन करण्यासाठी रोहित शर्माचे प्रशिक्षक दिनेश लाड सावंतवाडीत दाखल झाले आहेत. सावंतवाडी जिमखान्याच्या मैदानावर लाड सरांचा प्रशिक्षण वर्ग सलग चार दिवस चालणार आहे. त्यानंतरही महिन्यातून दोन दिवस सावंतवाडीत राहून ते मुलांना मार्गदर्शन करतील. सावंतवाडीच्या हेल्पलाईन फाऊंडेशनचे राजन आंगणे यांच्या संकल्पनेतून लाड सरांच्या प्रशिक्षण वर्गाचं आयोजन करण्यात आलं आहे. या प्रशिक्षण वर्गाच्या उद्घाटनासाठी पोलीस उपअधीक्षक दयानंद गवस हेही उपस्थित होते.