सांगली : शिवरायांचा पुतळा न बसवल्याने तासगावात नगराध्यक्षांच्या दालनाची तोडफोड

सांगली जिल्ह्यातील तासगावमध्ये शिवसेनेच्या पदाधिकाऱ्यांनी नगराध्यक्षांच्या दालनात तुफान राडा केला. नगराध्यक्ष विजय सावंत यांच्या दालनाची तोडफोड करण्यात आली आहे. शिवराज्याभिषेक दिनी शिवाजी महाराजांचा पुतळा न बसवल्याने त्याची विचारपूस करण्यासाठी गेलेले शिवसेना पदाधिकारी आणि नगराध्यक्षांमध्ये वाद झाला. त्यानंतर शिवसेनेच्या कार्यकर्त्यांनी नगराध्यक्षांच्या दालनात धूडगुस घातला. शिवाय 30 जुलैपर्यंत शिवरायांचा पुतळा न बसवल्यास पालिका पेटवून देण्याचा इशाराही शिवसेनेकडून नगराध्यक्षांना देण्यात आला आहे.