सांगली : सांगली जिल्ह्यामध्येही वॉटर कप स्पर्धेचा उत्साह

पाणी फाऊंडेशनच्या वॉटर कप स्पर्धेला आजपासून राज्यभरात सुरुवात झाली आहे. महाराष्ट्रातील 4000 पेक्षा जास्त गावं या स्पर्धेत सहभागी झाली आहेत .काल  मध्यरात्री१२ चा ठोका पडताच सांगलीच्या बोरगाव गावानं गावातील जलसंधारणाच्या कामांचा शुभारंभ केला. सांगली जिल्ह्यातल्या इतर अनेक गावांनीही  या स्पर्धेत हिरीरीने सहभाग घेतलाय. हातात टिकाव आणि खोरं  घेत ढोल ताशाच्या तालावर बोरगावमधली मंडळी मध्यरात्रीच माळरानावर पोहोचली.