गडहिंग्लज/कोल्हापूर : 'विजयदुर्गोत्सवा'च्या सोहळ्याने सामानगड निनादला

दसऱ्याचं औचित्य साधून दुर्गसंवधर्नाचा वसा उचललेल्या दुर्गवीर प्रतिष्ठाननं कोल्हापूर जिल्ह्यातल्या सामानगड किल्ल्यावर विजय दुर्गोत्सवाचं आयोजन केलं. यावेळी गडाची पूजा करण्यात आली आणि त्यानंतर शिवकालीन प्रात्यक्षिकांचं सादरीकरण करण्यात आलं. तर संध्याकाळी मशाली पेटवून गड प्रकाशित करण्यात आला. ज्या गडावरून सात मावळ्यांनी स्वराज्याच्या रक्षणासाठी बहलोल खानाच्या छावणीवर आक्रमण करुन प्राणार्पण केलं. तोच गड उजळून निघाला. गेल्या वर्षभरापासून दुर्गवीर प्रतिष्ठानने श्रमदान करुन या गडाला नवसंजीवनी दिली आहे..