रोटोमॅक कर्ज घोटाळा : कंपनीचा मालक विक्रम कोठारी आणि त्याच्या मुलाला अटक

नवी दिल्ली : रोटोमॅक घोटाळ्याप्रकरणी रोटोमॅक पेन्स कंपनीचे मालक विक्रम कोठारी आणि त्यांचा मुलगा राहुल कोठारी याला अटक करण्यात आली आहे. सीबीआयने ही कारवाई केली असून त्यांची सध्या त्यांची कसून चौकशी करण्यात येत आहे.

दरम्यान, या कंपनीने करचोरी केल्याचेही समोर येत आहे. या प्रकरणी आयकर खात्याकडून 14 बँक खाती गोठविण्यात आली आहेत. यातील बहुतांश खाती उत्तर प्रदेशातील विविध बँक शाखांतील आहेत. कानपूरस्थित उद्योग समूहाने 3 हजार 695 कोटी रुपयांचा कर्ज घोटाळा केल्याचे नुकतेच उघडकीस आलं आहे.

या प्रकरणी सीबीआय आणि सक्तवसुली संचालनालयाकडून चौकशी सुरु करण्यात आली आहे. तसंच बँक ऑफ बडोदाच्या काही अधिकाऱ्यांवरही गुन्हा नोंदविण्यात आला आहे