VIDEO | ज्येष्ठ मराठी अभिनेते रमेश भाटकर यांचं निधन | मुंबई | एबीपी माझा

मराठी रंगभूमीवरचा लाल्या काळाच्या पडद्याआड गेला आहे. ज्येष्ठ अभिनेते रमेश भाटकर यांचं आज मुंबईत दीर्घ आजारानं निधन झालं. मुंबईतल्या एलिझाबेथ हॉस्पिटलमध्ये त्यांनी अखेरचा श्वास घेतला. ते 70 वर्षांचे होते. रमेश भाटकर यांनी अनेक चित्रपट, मालिकांमध्ये काम केलं आहे. 'कमांडर' आणि 'हॅलो इन्स्पेक्टर' या त्यांच्या मालिका आजही प्रेक्षकांच्या मनात घर करुन आहेत. अश्रूंची झाली फूले' हे त्यांचे नाटक तर चांगलेच गाजले होते. तसेच केव्हा तरी पहाटे, अखेर तू येशीलच, राहू केतू, मुक्ता यांसारखी अनेक नाटकं गाजली आहेत.