ONGC Fire | उरण ओएनजीसी गॅस प्लांटमध्ये भीषण आग, 7 जणांचा मृत्यू झाल्याची भीती | ABP Majha

रायगड जिल्ह्यातील उरण येथील ओएनजीसी गॅस प्रोसेसिंग प्लांटमध्ये आज सकाळी 7 वाजेच्या सुमारास भीषण आग लागली आहे. जेएनपीटी आणि ओएनजीसी फायर ब्रिगेड घटनास्थळी पोहचले असून आग विझवण्याचे प्रयत्न सुरु आहे. उरण येथील ऑइल अँड नॅचरल गॅस कॉर्पोरेशन(ओएनजीसी) च्या गॅस प्लांटला आज सकाळी सात वाजेच्या सुमारास भीषण आग लागली आहे. ओनजीसी प्लांटच्या सीएफयू 2 या भागाला भीषण आग लागली आहे. संपूर्ण परिसरात आगीमुळे धुराचे लोट पाहायला मिळत आहेत. लिक्विड लिकेजमुळे आग लागल्याची माहिती सध्या मिळत आहे. या आगीत 5 जणांचा मृत्यू झाल्याची भीती सध्या व्यक्त करण्यात येत आहे. सध्या घटनास्थळी ओएनजीसी आणि जेएनपीटी फायर ब्रिगेडच्या गाड्या दाखल झाल्या असून आग विझवण्यासाठी प्रयत्न सुरु आहेत.